गजल | ईसाहित्य संसार

गजल

अचेल त मलाई मुस्कानले रुवाउँछ

घाम बोकी आउने बिहानले रुवाउँछ

एक दुई पटक गजल के कोरेको थे

वाह वाह को ठूलै सम्मानले रुवाउँछ

हासखेलमै जवानी बिताउछन् अरुचाहिँ

मलाई त त्यहिनै जवानले रुवाउँछ

निद भरि सपना सजाउन मन हुन्छ

रात भरि आफनै ओछ्यानले रुवाउँछ

शोसकको खल्तीमा एकनास थुनिईने

त्यो पुरानो घरको बिधानले रुवाउँछ

पिवन कन्दङ्वा लिम्बू

आठराइ- छातेढुङ्गा- तेह्रथूम

यस विधामा प्रकाशित : गजल

तपाइको बीचार ब्यक्त गर्नुस